Bréf til ykkar frá nefndinni

Kæru ættingjar

Nú í sumar eru sex ár liðin frá því síðasta ættarmót var haldið á Melsgili í Skagafirði og heppnaðist það mjög vel. Hefð hefur verið fyrir því að halda ættarmót á fimm ára fresti og því hefur farið fram töluverð vinna að finna hentugan stað sem uppfyllir allar þarfir okkar og á hæfilegu verði. Þó hefur tekist að finna mjög góðan stað sem við vonum að allir geti sætt sig við.

Þjórsárver hefur orðið fyrir valinu, helgina 9-11. júlí 2010, og höfum við látið taka frá fyrir okkur tjaldstæðið og félagsheimilið. Aðstaða er til fyrirmyndar í friðsælu umhverfi.
Meðal annars er mjög gott eldhús með öllum búnaði og útisvæði með grillum, leiktækjum og boltavöllum.

Verð á mótinu miðast við fjölda en mun ekki fara upp fyrir kr 3000 kr á mann, frítt fyrir 12 ára og yngri. Vonandi verður hægt að hafa verðið lægra. Innifalið í því er öll aðstaða á tjaldsvæðinu og aðgangur að félagsheimilinu frá föstudegi til sunnudags og sameiginleg máltíð á laugardagskvöldinu.


Við vonum að þú kæri ættingi og þín fjölskylda takið helgina frá og sjáið ykkur fært að mæta og eiga góða stund með góðu fólki. Þeir sem hafa áhuga eru beðnir að láta vita á póstfangið [e-mail] fyrir 15. apríl eða hringja í nefndina.
Nánari dagskrá verður birt á heimasíðu brekkuættar www.brekka.blog.is þegar nær dregur. Við viljum biðja þau sem hafa aðgang að tölvu og interneti að vera dugleg að miðla upplýsingum með öðrum sem og vera virk með okkur á heimasíðunni.


Bestu kveðjur til ykkar allra,
ættarmótsnefndin

Guðmundur Ingi Einarsson s: 483-1543
Ragna Valdís Elísdóttir s: 490-1504 [e-mail]
Sigurrós María Guðmundsdóttir s: 865-7037 [e-mail]
Sigrún Benediktsdóttir
Elís Pétur Elísson [e-mail]